GARA SCIALPINISTICA S. Martino di Castrozza del 15/02/2007
Continua la serie di garette in notturna con l'utlima gara del circuito 4 valli. Partim ale 5 da Trent col nof furgom del Max e ancoi collaudem anca le nove pel da gara che marti som na a tor col Teo su per Canazei... sperem. Arivem su vers le 6 e meza e ne fiondem en centro a ritirar i pettorai e el gadget della gara: che lusso! En kit de primo soccorso dela Salewa! La gara la parte dal centro del paess: i ha trat zo la nef per strada e fat su na bela coreografia.... ma no gh'e' tant da perder temp a vardarse entorno: dovem nar a scaldarne. Dale 7 taca le prime partenze e noi sem piu' o men tutti vers i 3/4. El Max alle 7:47 mi ai 49 e el Claudio 40 secondi dopo de mi. E via. La risalita l'e' sulla pista illuminada che risale el Col Verde: i diss che l'e' sui 500 metri de dislivel. Dopo aver traversa' el paess col cardio soto ocio taco a passar zent. Ciapa' la pista, passo anca i vikinghi con i corni che sona el corno e.... mah! ei drio a far la gara anca lori che i risale coi sci? Avanti a testa bassa! Se alterna po' quattro belle muraie. Sul secont pianoro gh'e' n'altro rumor che me distrae. Se sente gracchiar sora la testa: diaolopo'! L'e' i tifosi che davert i finestrini delle cabinovie che ne passa sora la testa i ne incita co la racola! Avanti ancor e su per n'altro mur! E chi enzima sorpasso anca en prete coi chirichetti che entant che i risale coi sci i canta l'Alleluja (anca se per tira' che ero i podeva cantarme "io credo risorgero'...."). Giro l'ocio e chi vedo? Diaolopo'! El Claudio (che l'e' parti' 40 secondi dopo de mi) el m'ha ciapa'. Zerco de tegnirghe botta... sol el cardio el va fuorigiri (ma no ve digo quant senno' el me medico sportivo el me certificato el lo dopra a enviar via el foc): mai zeder. Dopo l'ultim pianoro e en toc al buio ghe sem. L'arrivo l'e' all'arrivo della cabinovia. Berg Heil! Bevem 5 boni bicieri de the e ne trem a val (coi impianti. vist che la pista l'e' occupada da quei che ancor gareggia). La zena l'e' al palazzetto: che lusso! I ha organizza' propri na bela festa campestre e co la scusa che no guido e che ancoi l'e' la me festa (dei single, ancora, diaolopo'!), ne aprofitto per trar zo quattro bone birrette. Dopo quattro ciacere con na over-50 che conoseva el Max e l Claudio me trago a butoni a vardar le classifiche. Beh, ancoi ha vint el Max (180), dandoghe zo na trentina de secondi al Claudio(184), e el Kepo(204).... el segue el Claudio de oltre en minut. Ensomma le gambe del Kepo no le ha gira' tant bem.... Viste le premiaziom, ale 11 e meza ripartim col furgom: e mi sul sental de drio me fao na bela polsada. Quasi meio che a casa sul divano: l'e' do' di' che no podo pu' dormir en tel me let: g'ho en camera me fradel empesta' de influenza e.... no podo miga permetterme de ciaparla!
| Ready to go! (Pronti a nar!) |
|
| ..e po' zena e premiaziom en tel palazet: i l'ha fat su propri bel. |
